Сайын чугаһаан, доруобуйаҕа охсуута суох ырыаххытын баҕарар буоллаххытына, исписэлиистэр уопсай сүбэлэринэн сирдэтэргит ордук. Манна ыарахан диеталар уонна ыарахан ноҕуруускалар ирдэммэттэр.
Аһылыккытын көрүнүҥ
Биир нэдиэлэ устата тугу аһыыргытын барытын сурунан иһиҥ. Бу кистэлэҥ эбии калорийдары быһаарарга көмөлөһүөҕэ.
Калорийы аҕыйатыы: ыйга 0,8-3 киилэ эрэ түһэрин курдук, күҥҥэ 200 ккал аччатыахха сөп. Маны сыыйа-баайа оҥорор ордук.
Иҥэмтиэлээх аһылык: аһылык аайы белок уонна үүнээйи клетчатката баар буолуохтаах. Сымнаҕас, минньигэс фрукта уонна оҕуруот аһын сиэҥ.
Аһылык эрэсиимэ: сарсыардааҥҥы аһылыгы көтүтүмэҥ, тоҕо диэтэр, сарсыарда аһаабатахха, күнүс уонна киэһэ аһара аһыахха сөп. Киэһэ хойут уонна минньигэһи сиэмэҥ. Аһылык икки ардыгар 3-5 чаас буолуохтаах.
Уу иһии: утаппыт курдук санаа үксүгэр аччыктааһыны кытта бутуйуллар. Күн устата элбэх ууну иһиҥ. Сарсыарда сылаас ууну иһии метаболизм үлэтин саҕалыыр.
Аскытын үчүгэйдик ыстааҥ: эндокринологтар этэллэринэн, кытаанах аһы 33-тэ ыстаатахха, аччыктааһын түргэнник ааһар.
Физическэй ноҕуруусканы эбиҥ:
Хамсанар-имсэнэр олохтоох буоллаххытына, сатыы хаамыыттан эбэтэр бэлисэпиэдинэн хатааһылыыртан саҕалааҥ. Кардио уонна интервальнай дьарыктар түргэн түмүгү биэрэллэр.
Сарсыардааҥҥы сэрээккэ: күнүс тэтимнээхтик сылдьар туһугар, сарсыарда 20 мүнүүтэ дьарыктаныы метаболизм түргэтэтэр.
Урут дьарыктамматах буоллаххына, эмискэ ыарахан ноҕуруусканы киллэримэҥ. Эчэйиэххитин уонна былчыҥ эбиллиититтэн ыйааһыҥҥыт үрдүөн сөп.
Утуйуу: уон бииртэн хойутаабакка утуйарга кыһаллыҥ. Ситэ утуйбат буолуу гормоннары кэһэр уонна аччыктааһыны күөртүүр.
Мөкү үгэстэртэн аккаастаныы: аһыы утах элбэҕи аһыырга тиэрдэр, онон иһиини аччатыахха эбэтэр олох да тохтотуохха наада.
Туохтан туттунар нааданый:
Эмискэ калорийгытын аччатартан (3000-тан 1200-ҕэ диэри) уонна ыарахан дьарыктартан туттунуҥ. Организмҥа истириэс буолар, мөлтөх турукка тиэрдиэн уонна диетаны бүтэрэн баран төттөрү эбиллиигэ тиэрдиэн сөп.
Олохсуйбут ыарыылаах (куртах-оһоҕос) буоллаххытына, рациону уларытыах иннинэ бырааһы кытта сүбэлэһиҥ.