Амма улууһугар учаастактааҕы быыбардыыр хамыыһыйа чилиэннэрэ ыраах учаастактарынан сылдьан, быыбардааччылар гражданскай иэстэрин толороллоругар кыаҕы биэрдилэр.
Эмис 50 №-дээх учаастактааҕы быыбардыыр хамыыһыйата (бэрэссэдээтэл Прасковья Романовна Бубякина) Олом Күөлгэ, Өнньүөс 57 №-дээх учаастактааҕы быыбардыыр хамыыһыйата (бэрэссэдээтэл Наталья Николаевна Ефремова) Лээги учаастагар уонна Абаҕа 56 №-дээх учаастактааҕы быыбардыыр хамыыһыйата (бэрэссэдээтэл Анна Юрьевна Карпова) Дьаам, Оһохтоох уонна Хайархас учаастактарыгар сырыттылар.
Учаастактааҕы быыбардыыр хамыыһыйалар чилиэннэрэ сылгыһыттарга уонна метеостанция үлэһиттэригэр «УАЗ» массыынанан, тыраахтарынан уонна мотуордаах оҥочонон айаннаан тиийэн, куоластааһыны тэрийэн ыыттылар.
Уустук күн-дьыл усулуобуйатыгар бэйэлэрин харыстаммакка үлэлээн, хамыыһыйалар чилиэннэрэ 20 киһи быыбардыыр быраабын туһанарыгар көмөлөстүлэр.
