Дьокуускай куоракка ППС (патрульнай-постовой сулууспа) полицейскайдара Дьокуускай куоракка Марха түөлбэтин 55 саастаах олохтооҕун, дьиэни саанан ытыалаабыт киһини, туттулар
Балаҕан ыйын 13 күнүн киэһэтигэр Дьокуускай полициятыгар Марха микро-оройуонугар чааһынай дьиэни кимэ биллибэт киһи ытыалаабытын туһунан иһитиннэрии киирбит.
Миэстэтигэр тиийбит ИДьМ полиция патрульнай-постовой сулууспатын полицейскайдара буруйу оҥорууга сыһыаннаах үлэтэ суох 55 саастаах олохтооҕу туппуттар.
Барыллаан быһаарыллыбытынан, эр киһи арыгы иһэн баран, кэргэнин уола олорор дьиэтигэр кэлбит. Тус өстөһүүттэн сылтаан буруйданааччы саанан дьиэҕэ уонна гарааска 12 төгүл ытан түннүктэри алдьаппыт. Быһылаан түмүгэр ким да эмсэҕэлээбэтэх.
Туһааннаах киһиттэн регистрацияламматах булт саалара (ТОЗ уонна ИЖ мааркалаах 16 калибрдаах) былдьаммыттар. Эр киһини полиция отделыгар аҕалбыттар.