Бүгүн Таатта улууһун Дьохсоҕон нэһилиэгэр «Куорсун» айар түмсүү чилиэннэрэ мустаннар улуу бэйиэт А.С.Пушкин хоһооннорун аахтылар.
—Бүгүн, бэс ыйын 6 күнүгэр, нуучча улуу бэйиэтэ А.С.Пушкин төрөөбүт бэлиэ күнүнэн хоһооннорун долгуйа аахтыбыт. Ол курдук, Акулина Колмогорова «Зимний вечер», «Узник», Акулина Егасова «Друзьям», «Разлука», Валентина Пинигина-Арылы «Я пережил свои желанья…» хоһооннорун аахтылар. Онтон Изабелла Жараева «Я помню чудное мгновенье…» быһа тардан ыллаан иһитиннэрдэ. Бу долгутуулаах күн Валентина Пинигина-Арылы улуу Пушкиҥҥа анабыл хоһоон суруйда. Тэрээһин ураты истиҥник буолла.
Алампа аатынан норуот айымньытын дьиэтэ,
Дьохсоҕон.
Хаартыска «Куорсун» айар түмсүүттэн.