Күн устата киһини 44 оһол күүтэр, олортон күрүөлэнэн искэр этиллиэхтээх: «Аҕыс Айыыларым аргыстаһыҥ, сэттэ Иэйиэхситтэрим эҥээрдэһиҥ!».
Салгыы бэйэҕэр тугу баҕараргын эт, көрдөс.
Айыы киһитэ араҥаччылыыр быстахтан, оһолтон күрүөлүүр, куһаҕантан сэрэтэн Иэйиэхситтээх буолар. Дьон Иэйиэхсити хомоппот буоларга кыһанар. Күрүөтэ кэбирээбит киһи эрэх-турах санаммат, куттана-кумуна сылдьар, сыыһа-халты быһыыланар, бииртэн-биир кыһалҕаҕа ылларар, ыарытыйара үксүүр. Итинник түбэлтэҕэ Иэйиэхсиккэ туһаайан алгыс аныыллар.
Харыстаныы биир сүрүн көрүҥүнэн ытык сиргэ, ытык маска, айан аарыгар бэлэх-туһах биэрии, салама ыйааһын буолар.
Киирэр ааҥҥа дэйбиири ыйаа. Дэйбир кири-дьайы үүрэр, чугаһаппат, харыстыыр аналлаах.
Р.И.Бравина «Саргыны салайыныы» кинигэтиттэн.
«Айар» кинигэ кыһата, 2013 с.