Бу күннэргэ Москваҕа ВДНХ АТОМ түмэлигэр Росатом сэттис «Ледокол знаний» Арктикатааҕы эспэдииссийэтигэр кыттар оҕолору сүүмэрдээтилэр.
Арассыыйаттан 27 кыайыылаах оҕо 2026 сыл атырдьах ыйыгар «Кыайыы 50 сыла» атомнай ледоколунан Хотугу полюска айанныахтара. Кинилэр ортолоругар Уһук Илиҥҥи федеральнай уокуруктан түөрт кыттааччы баар.
Билиини тургутууга дойду 89 эрэгийиэниттэн 73 тыһыынчаттан тахса оскуола үөрэнээччитэ, ону тэҥэ 14-16 саастаах кэллиэс уонна техникум устудьуоннара кытыннылар. Хас биирдии миэстэҕэ 3045 сайаапка киирбит. Онтон 48 кыттааччы финалга тхсыбыт. Ол иһигэр 6 оҕо – Уһук Илин бэрэстэбиитэллэрэ. Кыайыылаахтар ортолоругар Саха сириттэн Полина Гурова (Айхал бөһүөлэгиттэн) уонна Эркин Егоров (Дьокуускайтан, Өрөспүүбүлүкэтэҕи лиссиэйтэн) бааллар.