РФ МЧС Саха сиринээҕи кылаабынай управлениетыгар Ан-2 саахалланан ойуурга түспүтүн туһунан иһитиннэрии киирбит. Бортка 8 киһи баар эбит.
Иһитиннэриини чуолкайдаабыттарынан, салгын аала Теплай Ключ нэһилиэнньэлээх пуунтан көппүт, командир аэропортка төннөр туһунан быһаарыыны ылыммыт, ол кэнниттэн сибээскэ тахсыбатах. Саахалланан түһүү кэнниттэн, салгын аалын координаталарын уонна тыаттан пассажирдар сатыы, Теплай Ключ диэки барбыттарын туһунан иһитиннэрии киирбит.
Салгыы СӨ доруобуйа харыстабылын министиэристибэтэ ЯСИА саахалламмыт Ан-2 сөмүлүөтүнэн көтөн испит дьон туруктарын туһунан иһитиннэрбит. ЯСИА сурулларынан, аҕыс киһини быраастар миэстэтигэр көрбүттэрин туһунан балыыһаттан иһитиннэрбиттэр. Онно этиллибитинэн, биир киһи сиэтиилээх (ожог) буолан, Томпо улуустааҕы киин балыыһатыгар ыытыллыбыт. Көрүү кэмигэр олоҕор куттал суоһаабата этиллибит. Эмсэҕэлээбит үс киһиэхэ мэдиссиинэ көмөтө оҥоһуллубут, кинилэр салгыы амбулаторнай эмтэниини барыахтара диэн суруллар. Онтон атын пассажирдарга мэдиссиинэ көмөтө наадата суоҕа этиллибитин туһунан ЯСИА суруйар.
СӨ ЫБММ пресс-сулууспата, ЯСИА
Хаартыска: https://ru.freepik.com