Арассыыйа хас биирдии олохтооҕо сэллик, В гепатит, корь, коклюш, дифтерия, столбняк, полиомиелит уонна краснуха утары быһыыны ылыахтаах, бу туһунан Роспотребнадзор салайааччыта Анна Попова РИА Новости иһитиннэрдэ.
Биэдэмистибэ салайааччыта бэлиэтииринэн, быйыылар Арассыыйатааҕы быһыы халандаарыгар киирбиттэр уонна федеральнай бүддьүөт үбүлээһининэн босхо оҥоһуллаллар. Кинилэр киһини уһун сылларга иммунитетынан хааччыйаллар.
Оҕо төрөөбүт бастакы күннэригэр сэллик уонна В гепатит утары быһыыны биэрэллэр, онтон салгыы — корь, коклюш, дифтерия, столбняк, полиомиелит уонна краснуха утары оҥоһуллар.
Маны таһынан, дойдуга сыл аайы кириип утары кэмиттэн көрөн быһыыны биэрии ыытылларын, ол түмүгүнэн атын судаарыстыбаларга холоотоххо биһиги дойдубутугар бу ыарыыга ылларыы таһыма олус намыһаҕын Анна Попова эттэ.