«Аан дойду омуктарын эпостара» бырайыак чэрчитинэн Казахстан, Алтай, Башкортостан, Тыва, Хакасия өрөспүүбүлүкэлэрин тылбаасчыттара уонна эпоһы толорооччулар кыттыылаах «төгүрүк остуолга» саха олоҥхотун тылбаастааһын боппуруостарын ырыталлар.
Эпосовед, фольклорист, филологическай наука доктора Гульнур Хусаинова тылбаасчыттар икки ардыгар эпос дьоруойдарын бэйэлэрин норуоттарын ааттарыгар уларытан кэбиһэр түбэлтэтэ баарын холобурдаата. Холобур, башкир тылбаасчыттара кыргыз манааһын итинник уларыппыт түбэлтэлэрэ баар эбит. Өссө учуонай Ньургун Боотуру башкирдар олоҥхону толоруу мелодиятын эмиэ ыллаан ыыталларыгар көрдөстө.
«Мин бастаан олоҥхону истэрбэр тывалар эпостарыгар тэҥнии санаабытым. Онон итинник булкуйуохха эмиэ сөп», — диэн санаатын үллэһиннэ.
Бу чааска «төгүрүк остуол» үлэтин салгыыр. Учуонай мөккүһүүлэрэ үгүс дьон болҕомтотун тарта.
