Дьокуускай куорат дьаһалтатын быһаарыытынан, от ыйын 6 күнүттэн от ыйын 25 күнүгэр диэри, Дежнев уулуссатынан тырааныспар сырыытыгар быстах кэмнээх хааччахтааһын олохтонуоҕа.
Ол курдук, Крупская уулусса 75 №-дээх дьиэтиттэн /2 куорпус/ Дежнев уулуссатыгар диэри учаастак сабыллар.
Хааччахтааһын хапытаалынай өрөмүөн үлэтин кытта сибээстээх. Туһааннаах хайысханан гаас ситимин, уот лииньийэтин кабелларын тардаллар уо.д.а. үлэлэри ыыталлар.
СӨ Тырааныспарын министиэристибэтэ иһитиннэрбитинэн, үлэ «Инфраструктура для жизни» национальнай бырайыак иитинэн ыытыллар.