Дьокуускайга 16 саастаах үөрэнээччи электроника маҕаһыынын иккитэ уоран тутулунна.
Дьокуускайга полиция үлэһиттэрэ быһаарбыттарынан, бу иннинэ эдэр уол цифровой уонна бытовой тиэхиньикэ маҕаһыынынын иккитэ халаабыт эбит. Уопсай хоромньу 38 тыһыынчаттан тахса солкуобайга тэҥнэспит.
Барыллаан дааннайдарынан, обургу оҕо маҕаһыыҥҥа наушнигы үрүсээгэр кистээбит уонна төлөөбөккө тахсыбыт.
Үс хонон баран кини ол маҕаһыыҥҥа төннөн кэлэн аны портативнай колонканы уонна эмиэ биир паара наушнигы сойбоппут. Кэлин уоруллубут тиэхиньикэни оскуола оҕолоругар атыылаабыт.
РФ Холуобунай кодексатын 158 ыст. 1 ч. «Уоруу» холуобунай дьыалалар көбүтүлүннүлэр диэн ИДьМ «Дьокуускайдааҕы» МУ пресс-сулууспата иһитиннэрэр.