Дьокуускайга быыһааччылар Владимировка тыатыгар муммут икки оҕолоох дьахтары буллулар уонна этэҥҥэ быыһаатылар.
Дьахтар оҕолорун кытта сынньалаҥ баазатыгар айаннаан иһэн, навигатор ыйбыт суолунан барбыт. Ол эрээри тиэхиньикэ алҕаһаан атын сиринэн сирдээбит, ол түмүгэр кинилэр массыыналара Чабыда күөлүн аттыгар хаайтарбыт. Бу суола-ииһэ суох түҥ тайҕаттан чугастааҕы сэлиэнньэҕэ диэри 32 килэмиэтир ыраах. Дьон дьолугар, онно сибээс хабан, быыһааччыларга эрийэн кэтэспиттэр.
ЫБММ сэрэтэр: Ыксаллаах быһыы-майгы министиэристибэтэ санатарынан айанныах иннинэ барар суолгутун-иискитин хайаан да чуолкайданыҥ уонна эбии уматыгы тиэнэ сылдьыҥ. Оттон туох эрэ быһылаан таҕыстаҕына, тутатына 112 нүөмэргэ эрийиҥ.