От ыйын 5 күнэ үүнэр түүнүгэр Алдан оройуонугар икки киһи өлүүлээх суол быһылаана таҕыста.
Түүн 04:36 чааска ИДьМ Алданнааҕы салаатын дьуһуурунай чааһыгар «Лена» федеральнай суол 632 км. дьон эчэйиилээх суол быһылаана тахсыбытын туһунан иһитиннэрии киирбит. ДПС үлэһиттэрэ миэстэтигэр тиийэн быһаарбыттарынан, 2004 с.т. суоппар ТОЙОТА МАРК 2 массыынанан Алдан куораттан Нерюнгри диэки айаннаан иһэн, уруулун кыайан туппакка суолтан тахсан түҥнэстибит.
Суол быһылаанын түмүгэр суоппар уонна пассажир ыар эчэйиини ыланнар суорума суолламмыттар.
Билигин туһааннаах суол быһылаанынан бэрэбиэркэ ыытыллар.