Саха Өрөспүүбүлүкэтигэр Арассыыйа Федерациятын Сэбилэниилээх Күүстэригэр хантараагынан байыаннай сулууспаҕа ыҥырыы салгыы барар. Хандьыдааттарга көмөлөһөр сыаллаах, Дьокуускайдааҕы хантараагынан байыаннай сулууспаҕа сүүмэрдиир пуун (3-с разряд) бэрэстэбиитэлэ сулууспаҕа талыы сүрүн биэс түһүмэҕин сиһилии билиһиннэрдэ.
«Сайаапка биэриини хантараагынан байыаннай сулууспаҕа гражданнары ылар Биир кэлим кииннэргэ оҥоруохха сөп — кинилэр Дьокуускайга, Мииринэйгэ уонна Нерюнгрига үлэлииллэр. Онно инструктордар хас биирдии хандьыдааты кытта бэйэлэрин көрсөн кэпсэтэллэр: байыаннай идэни таларга көмөлөһөллөр уонна хантараагынан сулууспалыыр байыаннайдарга бэриллэр социальнай чэпчэтиилэр уонна кэпиилэр тустарынан сиһилии кэпсииллэр», — диэн сүүмэрдиир пууҥҥа эттилэр.
- Докумуоннары биэрии. Хандьыдаат докумуоннар сүүмэрдиир пууҥҥа эбэтэр байыаннай комиссариатка биэриэхтээх.
- Социальнай-психологическай үөрэтии. Бу түһүмэххэ исписэлиистэр гражданин байыаннай сулууспаҕа психологическай сөп түбэһиитин сыаналыыллар.
- Мэдиссиинэ көрүүтэ. Булгуччулаах мэдиссиинэ көрүүтэ хандьыдаат доруобуйатын туругун уонна сулууспаҕа сөп түбэһиитин быһаарар.
- Байыаннай сулууспаны ааһыы туһунан хантараак түһэрсии. Инники түһүмэхтэр ситиһиилээх буоллахтарына, гражданины кытта хантараакка илии баттаһаллар.
- Дьаһалы ылыы уонна байыаннай чааска барыы. Тиһэх түһүмэх — дьаһалы оҥоруу уонна сулууспалыыр сиргэ атаарыы.
Маннык чуолкай уонна өйдөнөр алгоритм хандьыдааттарга инники былаанныылларыгар уонна ыксаабакка наадалаах бары түһүмэхтэри ааһалларыгар кыах биэрэр. Эбии иһитиннэриилэри сүүмэрдиир пууннарга быһаччы билсиэххэ сөп — онно баар буолар ыйытыыларга барытыгар сүбэ-ама биэриэхтэрэ.
Сүүмэрдиир пууннар аадырыстара
Сүүмэрдиир пууннар өрөбүлэ суох сарсыарда 09:00 чаастан киэһэ 18:00 чааска диэри маннык аадырыстарынан үлэлииллэр: – Дьокуускай: Чепалов уул., 23 дьиэ, уонна Сэргэлээхтиир шоссе 11 км, 1. – Нерюнгри: Чурапчы уул., 33, 3-с куорпус. – Мииринэй: 40 лет Октября уул., 26.
Наадалаах докумуоннар
Хантараагынан байыаннай сулууспаҕа киирэргэ хандьыдааттар маннык докумуоннары илдьэ сылдьыахтаахтар:
– Пааспар; – СНИЛС; – ИНН; – Үөрэх докумуона; – Байыаннай билиэт. Ону таһынан ыал буолуу уонна оҕо төрөөһүнүн туоһу суруктара (баар буоллахтарына) наада буолуохтарын сөп.
Үбүнэн өйөбүл
2026 сыл ыам ыйын 10 күнүттэн хантараагынан байыаннай сулууспаҕа киирээччилэргэ 3,8 мөл. солкуобайтан саҕалаан биир кэмнээх эрэгийиэннээҕи төлөбүр олохтонор. Бу суумаҕа киирэллэр: – 3 мөл. солкуобай — Саха Өрөспүүбүлүкэтиттэн; – 400 тыһ. солкуобай — РФ Оборуонаҕа министиэристибэтиттэн; – 400 тыһ. солкуобайтан саҕалаан — муниципальнай тэриллиилэртэн төлөбүрдэр.
Эбии иһитиннэрии
Эбии иһитиннэриилэри сүүмэрдиир кииннэртэн, байыаннай комиссариаттартан, службапоконтракту14.рф саайтан, ону тэҥэ төлөпүөннэринэн ылыахха сөп: 8 (4112) 32-10-40 уонна 8 (924) 166-13-93 (түүннэри-күнүстэри).
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/54833