Бу күннэргэ Дьокуускай куоракка Лонгинов уулуссатыгар бэстилиэттээх эдэр дьон видеолара тарҕанна.
Суһал-ирдиир үлэ кэмигэр полиция 1-кы нүөмэрдээх отделын үлэһиттэрэ туһааннаах араллаан кыттааччыларын кимнээхтэрин быһааран, отделга аҕаллылар. Бу туһунан ИДьМ Дьокуускайдааҕы салаатын пресс-сулууспата иһитиннэрдэ.
Барыллаан быһаарыллыбытынан, Лонгинов уулуссатыгар бэйэ-бэйэлэрин кытта билсэр 23 — 26 саастаах эдэр дьон икки ардыларыгар араллаан тахсыбыт. Онуоха биир ыччат табаарыһыттан пневматическай бэстилиэтин былдьаан ылбыт уонна атыттары куттаан, сиргэ ыппыт.
Билигин туһааннаах быһылаанынан полиция бэрэбиэркэ ыытар.