Алтынньы 24 күнүгэр Дьокуускайга «Миссис Лига» күрэх чаҕылхайдык ааста.
Манна кыттыбыт ийэлэр айар талааннарынан, уопсастыбаннай көхтөрүнэн бар дьоҥҥо дьиҥнээх сомоҕолоһуу бырааһынньыгын бэлэхтээтилэр. Куонкурус сылтан сыл кэҥээн, тэрийэр таһыма үрдээн иһэрэ харахха быраҕыллар.
Алена Атласова, Ил Түмэн дьокутаата:
«Хас бирдии ийэ — дьиэ кэргэн тутааҕа эрэ буолбакка, бүтүн уопсастыбабыт сүрүн тирэҕэ буолар. «Миссис Лига» курдук күрэхтэр биһиги мааны ийэлэрбит айар таһымнарын, дьиэ кэргэн үрдүк үгэстэрин уонна уопсастыбаннай көхтөрүн арыйар ураты түһүлгэнэн буолар. Быйылгы тэрээһин Арассыыйаҕа Норуоттар сомоҕолоһууларын уонна Саха сиригэр Култуура сылыгар сөп түбэһэн дириҥ суолтанна. Элбэх оҕолоох ийэлэрбит уопсастыба туһугар күүстэрин уураллара киэн туттууну үөскэтэр. Бу мааны бырааһынньык үрдүк таһымҥа барарыгар сүрүн күүһү уурбут, бар дьонун кэрэҕэ сирдиир «Дьокуускай куорат дьахталларын Лигатын» салайааччытыгар Татьяна Егороваҕа улахан махталбын тиэрдэбин уонна дьиэ кэргэттэргэ барыларыгар дьолу-соргуну баҕарабын!»
Татьяна Егорова, «Дьокуускай куорат дьахталларын Лигата» түмсүү бэрэссэдээтэлэ:
«Бу күрэх куораппытыгар үһүс сылын ситиһиилээхтик ыытылынна уонна сылтан сыл тэрийэр таһыма үрдээн, кэҥээн иһэр. Биһиги сүрүн сыалбыт — уопсастыбаҕа ийэ үрдүк оруолун көрдөрүү, кинини өйөөһүн буолар. Чахчы да, биһиги ийэлэрбит баар буоланнар олохпут тупсар, кэскилбит кэҥиир».
Тэрээһин Уопсастыбаннай балаата (бэрэссэдээтэл Сардаана Протодьяконова), «Биир ньыгыл Арассыыйа» баартыйа олохтоох сүбэтэ уонна уокуруктар салалталара күүстэринэн ыытылынна. Күрэх кыттыылаахтара кыайыыга дьулуурдара, кэрэлэрэ уонна уопсастыбаннай үлэлэрэ көрөөччүлэр уонна дьүүллүүр сүбэ үрдүк сыанабылын ыллылар.
Кинилэргэ куораппыт олохтоох урбаанньыттара, тэрилтэлэр салайааччылара, биирдиилээн үтүө санаалаах дьон бэйэлэрин тус бэлэхтэрин, сибэкки дьөрбөлөрүн уонна сыаналаах сэртипикээттэри туттаран, дьоро киэһэни өссө үрдүк таһымҥа таһаардылар. Ол курдук, кинилэр көмөлөрүнэн сылтан сыл ахсын бириистээх пуондабыт кэҥээн иһэрэ кыргыттарбытыгар улахан тирэх буолар.
Куорат дьаһалтата номинацияларга харчынан көмөнү оҥорон, уопсастыбаннай олоҕу улаханнык суолталыырын көрдөрдө.
- «Миссис Лига -2026» кыайыылааҕар Арина Хоютановаҕа Киин уокурук управатын салайааччыта Феликс Антонов сүрүн бирииһи 20 000 солк. туттарда.
- 1-кы Вице-миссис буолбут Яна Адамавичуска “Айс технолоджи» уонна ТК «Сокол» салайааччыта Игнатий Слепцов 15 000 солк. туттарда
- 2-с Вице-миссис Виктория Новгородоваҕа «Мир слуха / Истии эйгэтэ» дириэктэрэ Ольга Голдобина 10 000 солк. анаата.
Ону таһынан олохтоох бэлитиичэскэй сэбиэт толорооччу сэкирэтээрэ Андрей Данилов 10000 солк. спонсордаата.
- “Көрөөччүлэр биһирэбиллэрэ бирииһи” Яна Адамавичус ылла.
«Союз женских организаций» уопсастыбаннай түмсүү салайааччыта Анжелика Егорова анал бирииһин — «Көмүлүөк» иһитин 18 оҕолоох Жанна Нуримановаҕа туттарда. Мантан да атын бириистэри кыттааччылар тутан үөрүүлэрэ үксээтэ.
Ону таһынан хас биирдии кыттааччы анал аакка тигистэ:
- “Миссис Элегантность” — Третьякова Анастасия Афанасьевна (Киин уокурук);
- “Миссис Совершенство” — Келина Анна Валерьевна (Губинскай уокурук);
- “Миссис Талант” — Нуриманова Жанна Александровна (Октябрьскай уокурук);
- “Миссис Креативность” — Дмитриева Галина Николаевна (Тулагы-Киллэм уокуруга);
- “Миссис Вдохновение” — Курбонова Наталья Петровна (Промышленнай уокурук);
- “Миссис Великолепие” — Софронова Нина Владимировна (Хатас);
- “Миссис Очарование” — Герасимова Саргы Егоровна (Строительнай уокурук);
Тэрээһиҥҥэ күүс-көмө буолбут тэрилтэлэргэ ис сүрэхпититтэн махталбытын биллэрэбит: “Прайм Фото” фотоустуудьуйаҕа, “Абырал” сонотуоруйга, «Kere sibekki» дизайн устуудьуйатыгар, “Саха” НКИХ-гар, “Саха Бэчээккэ”, “Добрая Вода” иһэр уу тэрилтэтигэр, «Ленские столбы» банкетнай саалаҕа, ЯКТ шариктартан фигураларга, “Комплимент_якт”, “Город Цветов”, “Сибэкки” тэрилтэлэргэ.
Ураты өйөөһүнүн иһин тус бэйэм ааппыттан «Выгодная ипотека» салайааччытыгар Анна Туласыноваҕа махтанабын — быйыл Пригороднай сэлиэнньэтиттэн кыттан, 2-с Вице-мисс буолбут Виктория Новогородоваҕа тус бэйэтин анал бирииһин туттарда.
Ийэ таптала хаһан да уостубатын, дьол уонна кэрэ аргыстастын!
Чэмэлиинэ Скрябина.