Дьокуускайга «Сулус» кииҥҥэ Сэбиэскэй Сойуус Дьоруойа Федор Охлопков кэриэһигэр анаммыт IV Аан дойдутааҕы ыраахтан ытыыга турнирга саҥа рекорд олохтонно.
Бырааттыы Василий уонна Сергей Яковлевтар «Күнүс» түһүмэххэ 3000 м сыалы иккис ытыынан табан, рекорд олохтоотулар.
Бу көрдөрүү күрэхтэһии биир чаҕылхай түгэнинэн буолла, Саха сирин дьоно-сэргэтэ барыта бырааттыыларынан киэн туттар буолуохтаах. Кэтээн көрөөччүлэр бэлиэтииллэринэн, бу үрдүк таһымнаах маастарыстыбаны көрдөрөр.
Санатан эттэххэ, Федор Охлопков кэриэһигэр анаммыт IV Аан дойдутааҕы ырааҕы ытыыга турнир аан бастаан аан дойдутааҕы статуһу ылла. Уопсайа 187 ытааччы уонна 27 судьуйа кыттар. Кинилэр Саха сириттэн, Москваттан, Санкт-Петербуртан, Бурятияттан, Челябинскай, Белгородскай, Курскай уобаластартан, Хабаровскай уонна Забайкалье кыраайдарыттан, ону тэҥэ Беларусь Өрөспүүбүлүкэтиттэн кэлэн кытта сылдьаллар.
Быйыл тэрээһин таһыма биллэрдик үрдээбитин бэлиэтииллэр. Күрэхтэһии алтынньы 11 күнүгэр диэри ыытыллыаҕа.