Бэс ыйын 7 күнүгэр Нам улууһун киинигэр дьикти көстүү буолла. Сарсыарда эрдэ сэлиэнньэ олохтоохторо киин уулуссаларынан холкутук сүүрэн иһэр эдэр тайаҕы көрөн соһуйдулар. Бу соһуччу ыалдьыты хаартыскаҕа, видеоҕа түһэрэн, социальнай ситимнэринэн тарҕаттылар.
Тайах оҕото хас да уулуссанан ааһан, олохтоох дьон дьиэлэрин таһынан күүлэйдээбит. Дьон этэринэн, кыыл куттаммакка дэриэбинэҥэ кими да тыыппакка, бэйэтин кыһалҕатыгар сылдьар курдук киирэн тахсыбыт.
Айылҕа харыстабылын үлэһиттэрэ сабаҕалыылларынан, эдэр тайах үөртэн мунан, эбэтэр аһылык көрдөөн сэлиэнньэҕэ киириэн сөп.
Улуустааҕы экология иниспиэксийэтэ олохтоохторго сүбэлиир: маннык түгэҥҥэ кыылга чугаһыа, куттуо уонна үргүтүө суохтааххыт. Хата, айылҕаҕа бэйэтэ төннөрүгэр мэһэйдээбэккэ, ыраахтан кэтээн көрөр ордук.