Икки дьахтар ырарга аналлаах, бобуллубут эми атыылаан, холуобунай дьыалаҕа тардылыннылар.
Ааспыт ыйга ИДьМ үлэһиттэрэ бэрэбиэркэ ыыппыттарын түмүгэр, тэрээһиннээх буруйу оҥорууну силиэстийэлиир чаас үлэтинэн, РФ Холуобунай кодексын 234 ыстатыйатын 3 чааһынан («Күүстээхтик дьайар, эбэтэр, дьааттаах бэссэстибэлэри сокуоннайа суох атыылааһын) холуобунай дьыала тэрилиннэ.
34 саастаах дьахтар тас дойдуттан ырарга аналлаах эми сакаастаан атыылаһар эбит. Бу эмп наркотик буолбатах эрээри, «сибутрамин» диэн бобуллубут бэссэстибэлээх.
Дьахтар бу эмин социальнай ситимнэргэ көхтөөхтүк эрэкэлээмэлээбит, атыылаабыт, бэл, эми атыылыыр дьону булбут. Биир 27 саастаах дьахтар билэр дьонугар атыылыыр сыалтан, киниттэн элбэх эми атыыласпыт.
Полицейскайдар бу дьахталлартан бобуллубут эмтэри уонна суруйсубут суруктарын былдьаатылар. Килийиэннэр эми иһэн баран, турукпут мөлтөөтө диэн ыйыппыттарын, атыыласпыт дьахтар сүбэлэттэрэр эбит.
Холуобунай дьыаланы силиэстийэлээһин салҕанар диэн ИДьМ пресс-сулууспата иһитиннэрэр.