Ириэһин буолан, таһырдьа кыстаабыт эти тымныы сиргэ уурар идэлээхпит. Ол эрээри, ыал эрэ барыта булуустаах эбэтэр улахан тоҥорор тэриллээх (морозильнай камералаах) буолбатах.
Дьэ ити иһин Ньурба улууһун Антоновкатыгар олорор Агафья Тарасова маннык сүбэлиир:
— Уҥуохтаах эти эбэтэр туохха да баппакка ордубут эти түргэнник бүтэрэ охсорго тиэтэйимэҥ. Сайын сииргэ анаан кэнсиэрбэлээн хаһааныахха сөп. Хаһаанабыт даҕаны.
Эти улахан көстүрүүлэҕэ буһара уу рабыт. Дар уҥуох уонна төрүт сыата суох буоллаҕына, сылгы эбэтэр сибиинньэ этин кырбаһын эбэбит. Күөспүт оргуйдаҕына туустаан, уотун кыччатан, өссө түөрт-биэс чаас устата тэптэрэбит. Түгэҕэр сыстабатын, хаахтый батын диэн сотору-сотору булкуйабыт. Бу кэм устата эт уҥуоҕуттан арахсар, силгэлэрэ-иҥиирдэрэ сымныыллар.
Хоторуох иннинэ күөскэ лавр сэбирдэҕин кутабыт, биэрэстиибит, быһата амтанын тупсарабыт. Итиэннэ эппитин итиилии-буһуулуу хостоон таһааран, эрдэттэн сууйан бэлэмнээбит 500-700 граммнаах таас бааҥкаларбытыгар угуталыыбыт. Үрдүгэр миин хоргунун холбуйан ылан кутабыт. Онно биир остолобуой ньуоска мас арыытын эбэбит. Салгын киирбэтин, быыһылаабатын курдук ыга хаппахтыыбыт. Сойбутун кэннэ умуһахха уурабыт.
«Саха сирэ» хаһыат архыыбыттан