Үгэскэ кубулуйбут өрөбүллээҕи Оһуокайбытыгар эдэр, кэскиллээх этээччи Заровняева Сибэкки Аркадьевна республиканскай лицей уонна «Айыы кыһата» оскуола үөрэнээччилэрин кытта кэлэн кытыннылар.
Оҕолорго алгыһы «Арчы» дьиэтин исписэлииһэ, алгысчыт Петр Кычкин-Сайылык Бүөтүрэ оҥордо. Оҕолор саха буолан сандааралларыгар,туйгуннук үөрэнэн, кэскиллээх ыччаттар буолалларыгар баҕарда. Алгыс кэнниттэн түһүлгэни Сибэкки Заровняева таһаарда. Оҕолор сахалыы норуот ырыаларын ыллаатылар, оһуокайга киирэн үҥкүүлэстилэр. Оһуокайга оҕолору кытары айымньылаах үлэтин иһин Сибэкки Заровняеваҕа Саха сирин үтүөлээх этээччитэ үрдүк аатын ылбытын туоһулуур дастабырыанньаны уонна Оһуокай дьарылыга ойуулаах бэлиэни туттардыбыт.
Инникитин этээччи быһыытынан хоннохтоохтук этэригэр баҕардыбыт. Түһүлгэни салгыы эдэр этээччи Эрик Егоров, Аар Дархан этээччи Егор Осипов о.д.а. эттилэр. Ырыанан эҕэрдэлэри иһиттибит. Эдэр кэскиллээх оҕолорбут Оһуокайы өрө тутталларыгар, бастыҥ ыччат буолан ааттаталларыгар алгыс эттибит.
Марта Николаева