Өрөспүүбүлүкэ борокуратуурата РФ ХК 132 ыст. 4 ч. «а» п. уонна РФ ХК 105 ыст. 2 ч. «к» п. — 30 ыст. 3 ч. буруйданан, 19 сылга көҥүлэ быһыллыбыт, ол онтон бастакы 4 сылын хаайыыга, 15 сылын ураты эрэсиимнээх холуонньаҕа барарга бириигэбэрдэммит киһи ааһыныытын СӨ Үрдүкү суута көрөр кэмигэр кыттыыны ылла.
Суут быһаарбытынан, 2025 сыл ыам ыйыгар урут хаста да сууттаммыт киһи Нерюнгрига эдэр дьахтары кытта билсэн баран, үлэлиир сирэ баар миэстэтигэр, дьиэ бадыбаалыгар аҕалбыт. Ол кэннэ эмсэҕэлээччигэ сексуальнай күүһүлэҥнээх дьайыылары оҥорбут. Салгыы, буруйун кистээри, сууттанааччы кинини быһаҕынан анньыалаабыт.
Эмсэҕэлээччи өлбүтүн кэннэ, эр киһи өлүгү полиэтилиэҥҥэ суулаан баран, оптуобус тохтобул кэннигэр илдьэн хаарга көмпүт. Дьахтар өлүгүн хас да хонон баран олохтоохтор булбуттар.
Борокуратуура позициятын учуоттаан, сууттанааччы алҕаска өлөрбүтүм диэн ааһына сатаабытын суут толорбокко оннунан хаалларда, бириигэбэр сокуоннай күүһүгэр киирдэ.
СӨ Борокуратуурата.