Сомоҕолоһуу күнүгэр Татарстаҥҥа Казань куоракка «Маленькая Якутия» диэн павильон аһылынна.
Куорат киинигэр ЦУМ дьиэтигэр Саха сирин атыы-эргиэн павильонун арыйыы туһунан бырайыак быйыл бэс ыйыгар Нижнекамскай куоракка Ыһыаҕы презентациялааһын кэмигэр этиллибитэ. Бырайыак Татарстан Өрөспүүбүлүкэтин Раиһа Рустам Нургалиевич Минниханов тус көҕүлээһининэн олоххо киирдэ.
«Биһиги өрөспүүбүлүкэ салалтатыгар өйөбүллэрин уонна ыалдьытымсахтарын иһин ис сүрэхтэн махтанабыт. Бу Саха сирин уонна Татарстаны тыһыынчанан килэмиэтиринэн ситимниир доҕордоһуу муостата»,- диэн Дьокуускай куорат култуураҕа управлениета иһитиннэрдэ.
