Бэс ыйын 1 күнүттэн Өлүөнэ, Алдан, Дьааҥы өрүстэринэн пассажирдары түргэн сырыылаах суудуналарынан таһыы саҕаланар.
Пассажирдары чааһынай урбаанньыттар, итиэннэ «ЛОРП» ПАУо, «ДТК» ХЭУо уо.д.а. тэрилтэлэр таһыахтара.
Ол курдук хайысхаларынан көрдөххө, айан-сырыы саҕаланар:
• Дьокуускай – Өлүөхүмэ — бэс ыйын 1 күнүттэн;
• Белькачи – Томмот — бэс ыйын 7 күнүттэн;
• Уус Куйга – Нижнеянскай — бэс ыйын 15 күнүттэн;
• Дьокуускай – Чэйэ-Төрдө — бэс ыйын 9 күнүттэн (барыллаан);
• Чэйэ-Төрдө – Чэриктэй — бэс ыйын 3 күнүттэн;
• Дьокуускай – Сангаар — бэс ыйын 9 күнүттэн;
• Ленскэй – Өлүөхүмэ — бэс ыйын 4 күнүттэн (барыллаан).
Дьокуускай – Күһүүр хайысхатынан бэс ыйын иккис аҥаарыгар, Дьокуускай – Тиксии хайысхатынан барыллаан от ыйын 2 күнүттэн сырыы олохтоноро былааннанар.
2026 сыллааҕы навигацияҕа «Ленатурфлот» оннугар «ЛОРП» ПАУо «Валдай», «Метеор», «Ракета», «Полесье» суудуналара сылдьыаҕа.
Быйыл 7 хайысха субсидияланар:
• Дьокуускай – Өлүөхүмэ
• Дьокуускай – Сангаар
• Ленскэй – Өлүөхүмэ
• Уус Куйга – Нижнеянскай
• Дьокуускай – Чэйэ-Төрдө
• Томмот – Белькачи
• Чэйэ-Төрдө – Чэриктэй.
Дьокуускай – Өлүөхүмэ уонна Ленскэй – Өлүөхүмэ хайысхаларынан субсидиялаах билиэт Өлүөхүмэҕэ уонна Ленскэйгэ пропискалаахтарга эрэ атыыланар.