Ил Дархан Айсен Николаев Амур уобалаһыгар Ан-24 сөмөлүөт саахалламмытынан өлбүттэр аймахтарыгар уонна чугас дьонноругар дириҥ кутурҕанын биллэрдэ.
«Саха сирин бары олохтоохторун аатыттан Амур уобалаһыгар Ан-24 сөмөлүөт саахалыгар өлбүттэр аймахтарыгар уонна чугас дьонноругар ис сүрэхтэн дириҥ кутурҕаммын тиэрдэбин. Пассажирдар истэригэр оҕолор бааллара ордук сүрэҕи-быары ыарытыннарар. Чугас дьоҥҥут туһунан сырдык өйдөбүл уонна тулалыыр дьоҥҥут өйөбүлэ бу ыар сүтүгү тулуйаргытыгар күүс-уох эптиннэр. Саха сирэ эһигини кытта тэҥҥэ курутуйар», – диэн Айсен Николаев бэйэтин ТГ-ханаалыгар суруйда.