Апельсин С битэмиининэн баай фрукта буолар. Ол эрээри апельсин хаҕа апельсиннааҕар быдан битэмииннээҕин чинчийээччилэр быһаарбыттар.
Тоҕо диэтэххэ, апельсин хаҕар олус туһалаах бэссэстибэлэр бааллар. Элбэх клетчаткалаах, антиоксиданнаах, А, С, Е битэмииннэринэн баай. Апельсин хаҕа пектиннээх. Пектин куртах аһы буһарарыгар, холестерины намтатарга уонна киһи этигэр-сиинигэр саахары тэҥнииргэ көмөлөһөр. Маны таһынан, апельсин хаҕа иммунитеты күүһүрдэр.
Апельсин хаҕын хайдах туһаҕа таһаарабыт? Сиибит дуо?
Апельсин хаҕын теркалаан (цедратын) аһылыкка, тиэстэҕэ, салаакка кутан туһаныахпытын сөп. Чэй өрөн баран, онно эбилик гына чаанньыкка кутуохпутун сөп. Маны таһынан, апельсин хаҕыттан ностуойка оҥостуохха сөп. Хатаран баран дьиэ сытын тупсарарга эмиэ туһаныахха сөп. Онон апельсин хаҕын быраҕарга ыксаамаҥ.