Юрист Сергей Егоров «Российскай газетаҕа» ипотекаларын төлүүр кыахтара суоҕунан моҥкуруут барбыт дьоҥҥо саҥа сокуон иккис кыаҕы биэрэрин туһунан эттэ.
Ол эбэтэр кыбартыыралара атыыланнаҕына, бастаан укпут төлөбүрдэрин төнүннэриэхтэрэ.
Сөптөөх уларытыылар бу сыл кулун тутар бүтүүтүгэр “Кыаммат буолуу (моҥкуруут барыы)” туһунан сокуоҥҥа киирдилэр. Урут ипотеканан ылыллыбыт суос-соҕотох олорор дьиэтэ моҥкуруут дьыалатынан атыыламмыт буоллаҕына, атыыттан киирбит харчы барыта бааҥҥа барара. Биирдиилээн иэстээх киһи интэриэһэ учуоттамматын кэриэтэ этэ.
Билигин адвокаттар бюролара быһаарарынан, баан биэрбит кирэдьиитин төлөөтөҕүнэ, гражданин бастакы төлөбүр сууматыттан тахсыбат харчыны төннөрөр бырааптаах.