64 харахтаах дуобакка Европаҕа бастыыр иһин күрэхтэһиитэ түмүктэннэ. Күрэхтэһиилэр муус устар 20 күнүттэн 29 күнүгэр диэри Турция Кемер куоратыгар буолан аастылар. Биһиги күрэсчиттэрбит үс көрүҥҥэ (блиц, рапид уонна классика) уопсайа 14 мэтээли ылан, чаҕылхай түмүгү көрдөрдүлэр. Бу туһунан «Триумф» пресс-сулууспата иһитиннэрэр.
- Чаҕылҕан (блиц) бырагыраамаҕа: үрүҥ көмүс — Колодезникова Альбина, үрүҥ көмүс — Сергеева Нарыйаана, боруонса — Кондратьева Саяника, боруонса — Фёдорова Тунаара.
- Түргэн (рапид) бырагыраамаҕа: кыһыл көмүс — Кондратьева Саяника , кыһыл көмүс — Апросимова Сандаара, үрүҥ көмүс — Говоров Прокопий, боруонса — Колодезникова Альбина, боруонса — Данилова Анита.
- Классическай бырагыраамаҕа: кыһыл көмүс — Колодезникова Альбина, кыһыл көмүс — Данилова Анита, үрүҥ көмүс — Кондратьева Саяника, үрүҥ көмүс — Фёдорова Тунаара, боруонса — Сергеева Нарыйаана.
СӨ «СӨ сүүмэрдэммит хамаандаларын успуорка бэлэмнээһин өрөспүүбүлүкэтээҕи киинэ күрэсчиттэр уонна тириэньэрдэр састааптара күрэхтэһиигэ айанныылларыгар харчынан көмөлөспүт. Өйөбүл оҥорбут спонсордарга күрэсчиттэр ис сүрэхтэн барҕа махталларын биллэрэллэр.