ИДьМ сулууспатын «Дьокуускайдааҕы» управлениетын 1 №-дээх полиция отделын дьуһуурунай чааһыгар биир эр киһи күүһүнэн чаһыны былдьаабытын туһунан сайабылыанньалаах кэлбит. Кини быраабы араҥаччылыыр уорганнар үлэһиттэригэр кэпсээбитинэн, биллибэт эдэр киһи күүһүнэн өттөйөн, куттаан, киниттэн илиитигэр кэтэр чаһытын былдьаабыт.
Ыытыллыбыт суһал-көрдүүр дьаһаллар түмүктэринэн холуобунай ирдэбил үлэһиттэрэ уорбаланааччыны быһаардылар. Буруйдаах Өлүөхүмэ улууһуттан төрүттээх 25 саастаах эдэр киһи буолара биллибит.
Барыллаан быһаарыынан, сайабылыанньа биэрбит киһи баарга арыгы иһэ олорон, аттынааҕы остуолга олорор эдэр дьону көрөн кинилэргэ чугаһаабыт. Ол эрээри, кинилэр кэпсэтиилэрэ сотору кэминэн этиһиигэ кубулуйбут. Онтон кыыһыран, уорбаланааччы эмсэҕэлээччини кырбыам диэн куттаан, илиигэ кэтиллэр чаһытын былдьаан баран ,куоппут.
Былдьаммыт мал төттөрү былдьанна – уорбаланааччы чаһыны бэйэтэ сылдьыбыт.
РФ Холуобунай кодексатын 163-с ыстатыйатын 1-кы чааһынан («Вымогательство») холуобунай дьыала тэрилиннэ. Бу ыстатыйанан буруйдаах 4 сылга диэри көҥүлү быһыллыан сөп.