ОДьКХ уонна энэргиэтикэ миниистирэ Вячеслав Емельянов Ил Дархан уонна Бырабыыталыстыба дьаһалтатын социальнай ситимнэригэр хамнас иэһин боппуруоһун быһаарарга миниистирдэр кэбиниэттэрэ эбии миэрэлэри ылыммыттарын иһитиннэрдэ.
Кини этэринэн, муус устар иккис аҥаарыттан саҕалаан бүгүҥҥү күҥҥэ диэри хамнас иэһэ 900 мөлүйүөн солкуобайтан тахса буолла.
«Бырабыыталыстыба судаарыстыбаннай унитарнай тэрилтэҕэ субсидияны тиэрдиигэ саамай сүрүн боппуруоһу – ааспыт ыйдааҕы хамнаһы төлөөһүнү – быһаарар сыалтан эбии миэрэлэри ылыммытын этиэхпин баҕарабын. Үп-харчы сарсын тэрилтэҕэ тиэрдиллиэхтээх», – диэн миниистир бэлиэтээтэ.
Миниистир хамнаһы кэмигэр төлүүр боппуруостар өрөспүүбүлүкэ Бырабыыталыстыбатын ураты болҕомтотугар туралларын эттэ. Нэдиэлэ аайы быраабы араҥаччылыыр уорганнар уонна борокуратуура кыттыылаах биэдэмистибэлэр икки ардыларынааҕы үлэ бөлөҕүн мунньахтара ыытыллаллар, онно хамнас иэһин балаһыанньата көрүллэр.
Санатан эттэххэ, муус устар 27 күнүгэр «Быһа лииньийэ» быһа эпиир кэмигэр Саха сирин баһылыга Айсен Николаев өрөспүүбүлүкэ Бырабыыталыстыбатыгар уонна ОДьХ уонна энэргиэтикэ министиэристибэтигэр ОДьКХ үлэһиттэригэр хамнаһы төлөөһүн боппуруоһун кылгас бириэмэ иһигэр быһаарарга сорудахтаабыта.
Урут, ыам ыйын ортотугар, кулун тутар иккис аҥаарын уонна муус устар бастакы аҥаарын иһин хамнаһы төлүүргэ 600 мөлүйүөн солкуобай ыытыллыбыта.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.