«Аҕа дойду көмүскээччилэрэ» судаарыстыбаннай пуонда Саха сиринээҕи салаатын социальнай координатордарын өйөбүллэринэн байыаннай дьайыы бэтэрээннэрэ “Юность” стадиоҥҥа ыытыллыбыт доруобуйаларынан хааччахтаах дьон өрөспүүбүлүкэтээҕи күрэхтэһиитигэр Бүлүү улууһун аатыттан кыттыыны ыллылар.
Чөмпүйэнээккэ 13 уокуруктан 150-тан тахса спортсмен кытынна. Бүлүү улууһун хамаандатыгар байыаннай дьайыы бэтэрээннэрэ Владимир Томскай уонна Геннадий Новиков киирдилэр. Күрэхтэһии икки күн устата ыытылынна. Бастакы күн спортсменнар 100 уонна 400 миэтэрэҕэ сүүрүүгэ, туран ытыыга, кэлээскэнэн сүүрдүүгэ күрэхтэстилэр. Иккис күн 200 уонна 800 миэтэрэҕэ сүүрүүгэ, ону тэҥэ олорон ытыыга күрэхтэстилэр. Күрэхтэһии түмүгүнэн бэтэрээн Владимир Томскай туран ытыыга төрдүс буолла. Чөмпүйэнээт 15-с «Дьулуур» адаптивнай успуорт спартакиадатын иннинэ буолла. Тэрийээччилэр этэллэринэн, бу күрэхтэһиигэ үгүс спортсмен бэйэтин кыаҕын бэрэбиэркэлэнэн көрдө.
Сиһилии: https://prav.sakha.gov.ru/news/52141 сигэнэн аах.