СӨ ИДЬМ 1 №-дээх полиция отделын дьуһуурунай чааһыгар дьахтартан сайабылыанньа киирбит.
Кини үлэтигэр баран истэҕинэ, суолга эр киһи мобильнай төлөпүөнүн, харчытын былдьыы сатаабытын туһунан тыллаабыт.
Холуобунай ирдэбил үлэһиттэрэ суһал-ирдиир үлэлэринэн уорбаланааччыны туппуттар. Бу 33 саастаах урут хаста да сууттаммыт олохтоох киһи эбит.
Быһарыллыбытынан, сарсыарда дьахтар үлэтигэр баран истэҕинэ, киниэхэ билбэт киһитэ кэлбит уонна сигарета көрдөөбүтүгэр дьахтар аахайбатах, салгыы барбыт. Онуоха бу эр киһи кинини эккирэппит уонна мобильнай төлөпүөнүн, харчытын былдьыы сатаабыт. Куттаммыт дьахтар саһан күрүө нөҥүө тахсыбыт. Ону ааһан иһэр массыыналаах киһи бэлиэтии көрөн тохтообут уонна көмөлөһөн дьахтары массыынатыгар олордубут.
Бу чахчынан РФ ХК 30 ыст. 3 ч. — 161 ыст. 2 ч. холуобунай дьыала тэриллибит.
СӨ ИДьМ пресс-сулууспата