СӨ доруобуйа харыстабылын министиэристибэтэ тымныйыы, дьаҥ-дьаһах элбээбитинэн, сэрэтэр дьаһаллары күүһүрдэр.
Саха сиригэр тымныйыы (ОРВИ), тумуу-сөтөл элбээн эрэр. Балыыһаҕа көрдөрүү, мэдиссиинэ көмөтүгэр наадыйыы икки төгүл үрдээбитинэн, доруобуйа харыстабылын министиэристибэтэ профилактическай дьаһаллары кытаанахтык тутуһар наадатын санатар.
Быраабылалар бастакы бөлөхтөрө инфекция тарҕаныытын тохтоторго туһуланаллар. Илиигитин суунарга мыылаланыҥ эбэтэр антисептиктары туһаныҥ, мааскаланыҥ. Ыарыы бастакы сибикитэ билиннэҕинэ, дьиэҕитигэр олорорго, бырааһы дьиэҕэ ыҥырарга сүбэлииллэр.
Икиһинэн, дьаҥҥа-дьаһахха сыстыы кутталын намтатарга көмөлөһөр сүбэлэр. Ол курдук, дьиэҕитин-уоккутун салгылатыҥ. Дьаҥ-дьаһах кэмигэр элбэх киһи мустар сиригэр сылдьымаҥ.
Доруобуйа харыстабылын министиэристибэтэ кирииби утары быһыыга болҕомтотун уурар. Исписэлиистэр кириип ОРВИ биир көрүҥэ буоларын бэлиэтииллэр. Профилактика доруобуйаны харыстыыр көдьүүстээх, эрэллээх ньыма. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/63303
ЯСИА хаартыската