Өрөспүүбүлүкэтээҕи суһал ыстаап байыастары хааччыйарга былааннаах үлэтин салгыыр.
Тирэх пууннар байыастарга гуманитарнай көмөнү тохтоло суох тиэрдиини тэрийэллэр. Бу туһунан СӨ гражданскай көмүскэлин уонна нэһилиэнньэ олоҕор-дьаһаҕар куттал суох буолуутун хааччыйыыга миниистири солбуйааччы Никита Павлов эттэ.
Ол курдук, бу нэдиэлэҕэ Дьокуускайтан таһаҕас тиэммит уочараттаах тырааныспар айанныыр. Байыастарга түөрт тиэхиньикэ, 3 туонна кэриҥэ гуманитарнай таһаҕас уонна аадырыстаах баһыылкалар тиэрдиллиэхтээхтэр. Айаҥҥа Нерюнгринан ааһаллар, онно эбии баһыылкалары ылаллар. Маны таһынан «Патриотическай» ТОР федеральнай бырагырааматын чэрчитинэн Саха сирин үлэҕинэн «Сокол»» квадроцикллар бараллар. Онтон оҥорон таһаарааччылар «Хотой» FPV-дроннары ыытаары бэлэмнииллэр. Маны сэргэ, тэрилтэлэртэн, өрөспүүбүлүкэ олохтоохторуттан баһыылкалар хомуллаллар.
—Байыастары өйүүр дьоммутугар махтанабыт, — диэн Павлов бэлиэтиир. Кини 2026 сыл саҕаланыаҕыттан Саха сириттэн байыастарга 45 гуманитарнай таһаҕас рейсэ оҥоһуллубутун, 134 тырааныспар тиэрдиллибитин, 203 туоннаттан тахса гуманитарнай көмө уонна аадырыстаах баһыылкалар тиэрдиллибиттэрин чопчулаан эттэ. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.