Саха сиригэр бастакытын «Бастыҥ оҕо бибилэтиэкэрэ» идэлээх маастарыстыба күрэҕэ ыытылынна. Бу бэлиэ тэрээһин Дьокуускайдааҕы судаарыстыбаннай киин бибилэтиэкэ иһинэн оҕолорго өҥөнү оҥорор маҥнайгы анал салаа аһыллыбыта 85 сылыгар туһуланна.
Күрэххэ оҕолору уонна эдэр дьону кытта үлэлиир өрөспүүбүлүкэ судаарыстыбаннай, муниципальнай бибилэтиэкэрин 16 бастыҥ исписэлиэһэ кытынна. Дьүүллүүр сүбэ кытаанах сүүмэрдээһининэн, муҥутуур түмүктүүр түһүмэххэ тоҕус кыттааччы ааста.
Күрэх очнай түһүмэҕэ Дьокуускай куоракка буолан ааста. Финалистар Төрөөбүт тылынан оҕо ааҕыытын тарҕатар кииннэр үлэлэрин сайыннарыыга туһаайыллыбыт саҥа, сонун бырайыактарын көрдөрдүлэр уонна көмүскээтилэр. Дьокутааттар, суруйааччылар дуу, эбэтэр бэйэтин дьыалатын муҥутуур билэр маастар дуу — бу бырайыактар оҕо интэриэһин төрөөбүт тылга хайдах тардалларын көрдөрдүлэр.
Маны сэргэ «Дьон-сэргэ билиниитэ» анал аакка интэриниэт нөҥүө онлайн-куоластааһын түмүктэннэ. Манна ким баҕарар киирэн сөбүлээбит кыттааччытыгар куолаһын биэрэр кыахтааҕа.
Оттон күрэх муҥутуур кыайыылааҕын уонна лауреаттарын ааттара олус сотору — алтынньы 2 күнүгэр, оҕо бибилэтиэкэрин өҥөтө олохтоммута 85 сылыгар анаммыт үөрүүлээх тэрээһиҥҥэ биллиэхтэрэ. Бастыҥнар бастыҥнара ким буоларый? Күүтэбит!