Ааспыл сылга «Арассыыйа бөртөлүөттэрэ» холдингтан атыылаһыллыбыт Ми-8МТВ-1 бөртөлүөттэр Саха сирин Арктикатын зонатыгар авиа сибээс сүрүн сүһүөҕүнэн буоллулар.
Бүгүн бөртөлүөттэр «Полярные авиалинии» авиахампаанньа үлэтин тирэҕинэн буолаллар. Ми-8МТВ-1 диэн тупсарыллыбыт көрүҥ Уһук Хоту тыйыс усулуобуйатыгар да сорудаҕы эрэллээхтик толороллор. Онуоха көтүү ыраахха диэри оҥоһуллара, бөртөлүөт тэхиниичэскэй өттүнэн ордуга көстөр.
Авиахампаанньа пааркатыгар билигин 12 Ми-8МТВ-1 бөртөлүөт баар. Тиэхиньикэ өрөспүүбүлүкэ сүрүн хайысхаларыгар, ол иһигэр социальнай суолталаах санитарнай рейстэри толорууга туһаныллар. 2025 сылга атыылаһыллыбыт сорох тиэхэньикэлэр бу соругу быһаарарга – ыраах нэһилиэнньэлээх пууннарга мэдиссиинэ көмөтүн суһаллык оҥорууга туһуланаллар.