Саха сиригэр мэдиссиинэ көмөтүн байыаннай дьайыы 4934 кыттыылааҕа ылбыта бэлиэтэнэр.
Бу туһунан СӨ доруобуйа харыстабылын министиэристибэтин кылаабынай терапева Айталина Торонова иһитиннэрдэ.
—Уопсайа 1332 байыаннай сулууспалаахха стационарнай усулуобуйаҕа мэдиссиинэ көмөтө оҥоһуллубут. Мед. реабилитацияны 459 байыас ааспыт, медико-психологическай, психотерапевтическай уонна психиатрическай мэдиссиинэ көмөтө байыаннай эпэрээссийэ 956 кыттыылааҕар уонна кинилэр дьиэ кэргэттэриттэн 1366 киһиэхэ оҥоһуллубут, — диэн этэр Айталина Торонова.
Айсен Николаев Ил Түмэҥҥэ ааспыт сыл ахсынньытыгар Туһаайан этиитигэр байыастарга бастакынан мэдиссиинэ көмөтө оҥоһулларын бэлиэтээбитэ. Ол курдук, чинчийии, эмтээһин, кэлим медицинскэй реабилитация.
—Уустук анал көмөҕө улахан килииникэлэр үлэлэһэллэрэ быһаарыллыбыта. Бойобуой дьайыы бэтэрээннэригэр, байыастар дьиэ кэргэттэригэр психологическай араҥаччылааһыны күүһүрдэр наада. Социальнай реабилитация уонна эйэлээх олоххо адаптацияланыы боппуруоһа ураты болҕомтону эрэйэллэр. Бу үөрэх, үлэҕэ киллэрии, уопсастыбаннай олоххо тардыы, — диэн Ил Дархан сорук туруорбута.
Сиһилии: https://www.sakha.gov.ru/news/59718
СӨ Ил Дарханын уонна Бырабыыталыстыбатын пресс-сулууспата