Анал байыаннай дьайыыга өлбүт Аҕа дойдуну көмүскээччилэр дьиэ кэргэттэрин өйөөһүн «Аҕа дойдуну көмүскээччилэр» пуонда филиалын үлэтин биир тутаах хайысхатынан буолар. Социальнай координатордар анал байыаннай дьайыыга өлбүт кыттыылаахтарын аймахтарын, чугас дьоннорун сөптөөх төлөбүрү, чэпчэтиилэри оҥорууттан олох-дьаһах боппуруостарын быһаарыыга уонна психологическай өйөбүлгэ тиийэ арыаллыыллар.
Бүгүн анал байыаннай дьайыыга өлбүт буойун дьиэ кэргэнигэр аадырыстаах көмө туһунан кэпсиэхпит.
Аан бастаан Анна Валерьевна сураҕа суох сүппүтү булуу боппуруоһунан пуондаҕа кэлбитэ. Онтон ыла кини социальнай координаторынан Анна Андреева ананан, пуонда филиалын арыаллааһыныгар сылдьар. Анна Валерьевна кэргэнэ Александр Алексеев 2022 сыллаахха хантараак түһэрсибитэ. 2025 сыллаахха бойобуой соругу толорууга өлбүтэ. Кэргэнин кытта тупсаҕай дьиэлэрин ситэрэн киирэр баҕа санаалаахтар этэ да, Александр онтун ситэрбэтэҕэ.
Социальнай координатор Анна Борисовна бары сөптөөх өйөбүл дьаһалларын оҥорорго, ону тэҥэ биирдиилээн олорор дьиэни өрөмүөннээһиҥҥэ үп биир кэмнээх төлөбүрүн ыларга көмөлөспүтэ. Бу дьаһалы Арассыыйа пенсионнай уонна социальнай страховкалааһынын пуондата биэрэр.
«Пуонда филиалыгар уонна бэйэм социальнай координаторбар Анна Борисовнаҕа олоҕум суолун хас биирдии түһүмэҕэр өйөбүлүн, көмөтүн иһин махтанабын. Өйөбүл баар буолан, кэргэммин кытта тупсаҕай дьиэлэниэхпит диэбит ыра санаабытын толордум», — диэн санаатын анал байыаннай дьайыы кыттыылааҕын огдообото Анна Тарасова үллэһиннэ.
Бу история пуонда филиала сүрүн соругун хайдах толорорун, өлбүт буойуттар дьиэ кэргэттэрин өйүүргэ, ыарахаттары кыайарга, салгыы олоҕу тутарга көмөлөһүү чаҕылхай холобура.
Маннык көмө дьаһалынан өлбүт буойуттар кэргэттэрэ уонна оҕолоро, ону тэҥэ төрөппүттэрэ туһаныахтарын сөп. Сиһилии байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр социальнай өйөбүл дьаһалларын туһунан бу сигэнэн билсиэххитин сөп: https://mintrud.sakha.gov.ru/spravochnik-po-meram-podderzhki-uchastnikov-specialnoj-voennoj-operacii.
