Байыаннай дьайыы байыастарыгар Уһук Илиҥҥэ оҥоһуллубут бөдөҥ баартыйа анал тиэхиньикэлэри, пилота суох көтөр аппарааттары туттардылар.
Донецкай Норуодунай Өрөспүүбүлүкэҕэ РФ Бырабыыталыстыбатын Бэрэссэдээтэлин солбуйааччыта – РФ бэрэсидьиэнин Уһук Илиҥҥэ бэрэстэбиитэлэ Юрий Трутнев Илин байыаннай уокурук командованиетын, «Рубикон» БАРС холбоһуктарын байыастарын уонна Уһук Илинтэн баҕа өттүнэн киирбит дьону кытта көрүстэ.
Инники кирбиигэ «Патриотическай» ТОР тэриллэрэ тиэллибитэ, ол иһигэр Забайкальскай уонна Приморскай кыраайдарга, Магаданскай уобаласка оҥоһуллубут 1500-тан тахса FPV-дроннар бааллар. Ретранслятордар, «Паук-30» диэн ыарахан грузовой мультироторнай БПЛА-лар туттарылыннылар.