Атырдьах ыйын 28 күнүгэр Чурапчы улууһун дьуһуурунай чааһыгар Халыма федеральнай суол 149-с килэмиэтигэр дьон эчэйиилээх суол быһылаана тахсыбытын туһунан иһитиннэрии киирбит.
Барыллаан чахчынан, атырдьах ыйын 28 күнүгэр 1998 с.т. суоппар «Toyota Corolla Fielder» массыынаны ыыта сылдьан, ити ыйыллыбыт суол учаастагар, утары суолга тахсан биэрбит, уруулун кыайан туппакка массыыната түҥнэстибит. Быһылаан кэмигэр массыынаҕа суоппар уонна сокуоннай сааһын туола илик икки оҕо баар эбит.
Суол быһылаанын түмүгэр ылбыт эчэйиилэриттэн суоппар быһылаан тахсыбыт сиригэр суһал көмө биригээдэтэ кэлиэн иннинэ тыына быстыбыт. Сокуоннай сааһын туола илик араас эчэйиини ылбыт оҕолору балыыһаҕа киллэрбиттэр.
Суол быһылаанын чахчытынан бэрэбиэркэ ыытыллар. Билигин туох, хайдах буолбутун быһаараллар. Бу туһунан ГАИ иһитиннэрэр.