Томпо улууһун Кириэс Халдьаайы сэлиэнньэтигэр «Биир ньыгыл Арассыыйа» баартыйа чилиэннэрэ, «Сайылык» күрэх кыттыылаахтара уонна ОДьКХ үлэһитэ Александр Слепцов анал байыаннай дьайыы буойуттарын кэргэттэригэр көмөлөрө уҕараабат.
Кинилэр Александр Аполлоновка, Руслан Герасименкоҕа, Айаал Охлопков ийэтигэр, Евгений Калинин огдооботугар, Алиан Мегинов огдооботугар уонна Эдуард Корнилов ийэтигэр куһунан күндүлээтилэр.
«Биир ньыгыл Арассыыйа» баартыйа чилиэннэрэ уонна өйөөччүлэрэ сыл ахсын Байаҕантай нэһилиэгин Ытык олохтооҕор, «Сэрии оҕото», Үлэ бэтэрээнэ Анна Романовна Атакова дьиэтин-уотун уонна даачатын ыраастааһыҥҥа көмөлөһөллөр.
