Үөрэх уонна билим министиэрстибэтэ анал байыаннай дьайыы кыттыылаахтарын, бэтэрээннэрин, ол иһигэр “Боотур” баҕа өттүнэн кыттааччыларын кытта сибээһи өрүү тутар. Байыастарга, кинилэр дьиэ кэргэттэригэр салгыы көмөлөһөр.
Бүгүн миниистири солбуйааччы Степан Степанов Намнааҕы тиэхиньикум дириэктэрэ Ньургустаан Жирковы кытта байыастарбытыгар байыаннай сорудаҕы толороллоругар анал таҥаһы (тактическай сапернай) тиксэрдилэр. Көрсүһүү кэмигэр бэтэрээннэр уонна бииргэ сулууспалаабыттар дьоруойдуу быһыыларын аҕыннылар, чугастааҕы кэм былаанын ырытыстылар.
Ону таһынан, бэтэрээннэри үөрэх тэрилтэлэригэр, чуолаан төрөөбүт дойдуга куттал суох буолуутун уонна көмүскээһин уруогун учууталын дуоһунаһыгар үлэҕэ ылыы туһунан кэпсэттилэр. Кинилэр уоппуттара, 2024 сыл балаҕан ыйыттан оскуолаларга киирбит, саҥардыллыбыт биридимиэккэ (уруккута ОБЖ) олус ирдэнэр. Бу туһунан Үөрэх уонна билим министиэристибэтин МАХ канаалыгар суруйаллар.