Алтынньы 23-24 күннэригэр Санкт-Петербург куоракка «Социальнай архитектура: социальнай уларыйыылар теориялара уонна быраактыкалара» диэн II Норуоттар икки ардыларынааҕы билим-быраактыка кэмпириэнсийэтэ ыытыллыаҕа. Манна 30-тан тахса дойдуттан (Кытай, АХШ, Сербия, Италия, Беларусь уо.д.а.) 600-тэн тахса учуонай, эспиэр уонна быраактыка үлэһитэ кыттыаҕа.
Бу тугуй? Бу — киһи, уопсастыба уонна судаарыстыба бэйэтин кэскилин, инникитин бэйэтэ быһаарар уонна көмүскүүр кыаҕа. «Бүгүн ханнык баҕарар дойдуга сүрүн ыйытыынан буолар: дойду бэйэтин инникитин быһаарар кыаҕын сүтэрбэт дуо? Технологиялар, сыыппара платформалара уонна оҥоһуу өй олоҕу олус түргэнник уларыталлар, уопсастыба ону өйдөөн да биллэрбэт. Оттон социальнай архитектура инникини көрүүнү чуолкай бырайыактарга уонна дьайыыларга кубулутарга көмөлөһөр», — диэн бэлиэтээтэ М.В. Ломоносов аатынан МГУ бэрэпиэссэрэ, Социальнай архитектура институтун дириэктэрэ Сергей Володенков.
Кэмпириэнсийэҕэ Арассыыйа устуоруйаҕа, култуураҕа уонна үгэс буолбут сыаннастарга тирэҕирэн сайдар суолу тутуһарын туһунан кэпсэтиэхтэрэ. Экспердэр технология уонна социальнай сайдыы соруктарын ким туруорарын быһаарсыахтара.
Кимнээх тыл этиэхтэрэй?
- Тас дойдулартан: Кытай биир биллиилээх идеолога Чжан Вэйвэй, Сербияттан Евразияҕа эспиэр Душан Пророкович уонна АХШ экономиһа, политолога Джон Кавулич;
- Арассыыйаттан: РФ Бэрэсидьиэнин Управлениетын салайааччыта Александр Харичев, Санкт-Петербург губернатора Александр Беглов, РФ Бэрэсидьиэнин Сүбэһитэ Валерий Фадеев, биллиилээх бөлөһүөк Александр Дугин уо.д.а.
Тэрээһин «Арассыыйа — мин устуоруйам» түмэл-быыстапка киинигэр ыытыллыаҕа. Кэмпириэнсийэҕэ кыттарга сайаапканы socarch.ru официальнай саайтка биэриэххэ сөп.