Саха сирин сүүмэрдэммит хамаандаларын успуорка бэлэмнээһин өрөспүүбүлүкэтээҕи киинэ эрэгийиэн борокуратууратын ирдэбилинэн ситэ төлөммөтөх хамнаска 17,7 мөл. солкуобайдаах иэһин төлөөтө. Бу туһунан кулун тутар 16 күнүгэр биэдэмистибэ пресс-сулууспата иһитиннэрдэ.
Борокуратуура дааннайынан, Саха сирин Успуорка министиэристибэтиттэн үлэ төлөбүрүгэр субсидия суоҕунан 292 үлэһит хамнаһа индексацияламматах.
«Борокуруор бэрэбиэркэтинэн, үлэһиттэргэ хамнастара саҥаттан ааҕыллан, 17,7 мөл. солкуобай төлөннө, буруйдаах киһи эппиэтинэскэ тардылынна», — диэн иһитиннэриигэ этиллэр.