Ил Түмэн уочараттаах пленарнай мунньаҕар Ил Дархан Айсен Николаев СӨ Бырабыыталыстыбатын ааспыт сыллааҕы үлэтин отчуоттаабытын кэнниттэн, үгүс киһи бэйэтин санаатын үллэстэр.
Судаарыстыбаны тутууга уонна олохтоох бэйэни салайыныыга холбоһуктаах сис кэмитиэт бэрэссэдээтэлэ Владимир Прокопьев санаатын маннык тиэртэ:
— Быйыл бэйэни салайыныы сокуонугар эмиэ уларыйыы киирбитэ. Боломуочуйаны тыырсыыга олус кылгас бириэмэ бэриллибитэ. Дойду үрдүнэн мөккүөр тахсан, бүтэһиктээх быһаарсыыга кэпсэтии өссө да бара турарынан, 2027 сыл тохсунньу 1 күнүгэр диэри биир сыл уһатыы биэрдилэр. Онон болдьох уһаабыта биһиэхэ эмиэ ырытарга, сүбэлэһэргэ туһалаах курдук.