Күндү ааҕааччыларбыт! Эһиги ыйытыыларгытыгар эппиэттэри таһаарабыт.
Хайдах аһатабыт?
— Саха ынаҕын иитиинэн саҥа дьарыктанан эрэбит. Төрөөтөҕүнэ, ньирэйэ кыра баҕайы буолар дииллэр. Ону хайдах аһатабыт?
Ыйытыыга Эбээн Бытантай улууһун Дьарҕаалаах нэһилиэгин олохтооҕо Матрена Петровна Баишева хоруйдаата:
— Саха сүөһүлэрин иитэбин. Ынаҕым төрөөтөҕүнэ, ньирэйбин биир ый күүскэ эмтэрээччибин. Тоҕо диэтэххэ, саҥа төрөөбүт ньирэйэ кырачаан баҕайы буолар. Биир ыйыттан оту сиир, кыралаан эбии аһыыр буолар.