1888 сыл, балаҕан ыйын 11 күнүгэр, Дьокуускайга епископ Иаков көҕүлээһининэн саҥа үөрэх кыһата — дьахталлар епархиальнай училищелара аһыллыбыт.
Дьокуускай куорат устуоруйатын түмэлин чахчыларынан, маҥнай үөрэнээччигэ анаммыт пансионнаах биир кылаас баар эбит. 1900 сыллаахха алта кылаастаах буолбут, онтон кэлин сэттис кыһаалы (педагогика кылааһа) эппиттэр.
1892 сыллаахха Улахан уулуссаҕа училищеҕа анаан үөрэнэр куорпус, пансионат, балыыһа, баанньык тутуллубуттар.
Үөрэх кыһатыгар сүрүн биридимиэттэринэн Таҥара сокуона, нуучча тыла, математика, география, устуоруйа, физика, суруйуу культурата уо.д.а. эбит.
Училищены 17 сыл устата В.А. Егорова-Явловская салайбыт.
1913 сылга диэри 1800-тэн тахса кыыс үөрэммит, учууталлыыр бырааптаах толору кууруһу 164 кыыс бүтэрбит. Училище 1920 сылга диэри үлэлээбит.