Саҥа үөрэх дьыла саҕаланыан иннинэ, оҕолор олохторун-дьаһахтарын, доруобуйаларын харыстыыр, ыал буолуу, кинилэргэ кырыктаахтык сыһыаннаһыы чахчыларынан, ону тэҥэ үөрэммэккэ сылдьар, үөрэх дьылыгар бэлэмэ суох оскуола саастаах оҕолору быһаарар сыалтан ИДьМ сокуоннай саастарын ситэ илик оҕолор дьыалаларыгар иниспиэктэрдэрэ өрөспүүбүлүкэҕэ «Дьиэ кэргэн» суһал-сэрэтэр эпэрээссийэни ыыттылар.
Эриэйдэ тэрээһиннэрин кэмигэр полиция үлэһиттэрэ сэрэтэр үлэ уорганнарын исписэлиистэрин кытта учуокка турар уонна 1598 сокуоннай саастарын ситэ илик оҕону иитэр 760-тан тахса, ол иһигэр 439 оскуола иннинээҕи саастаах уонна 78 1-кы кылааска киирэр төрөппүттэр олохторун усулуобуйатын бэрэбиэркэлээтилэр.
Эпэрээссийэ түмүгүнэн полиция үлэһиттэрэ 66 административнай боротокуолу оҥорбуттар, олортон 57-һэ төрөппүт эбээһинэһин толорботоҕун иһин Арассыыйа КоАП 5.35 ыст. 1 ч. итини сэргэ оҕолор дьиэлэриттэн көҥүлүнэн барыыларын, сокуоннай саастарын ситэ илик оҕолор уулуссаҕа уонна уопсастыбаннай миэстэлэргэ түүннэри сылдьалларын иһин, ону тэҥэ ыччаттар буруйу, сокуону кэһиилэрин оҥороллорун, ол иһигэр Арассыыйа КоАП 18.8 уонна 20.21 ыстатыйаларынан уонна Саха Өрөспүүбүлүкэтин КоАП 3.5 ыстатыйатынан иһин административнай сокуону кэһии туһунан дьыала тэрилиннэ.
Дьокуускай, Бүлүү, Горнай, Нам, Мэҥэ Хаҥалас уонна Уус Маайа оройуоннарыгар 11 төрөппүт профилактическай учуокка туруорулунна.
Дьокуускайга уонна Бүлүү оройуонугар биэс көрүүтэ-истиитэ суох оҕо көстүбүт, иккитэ социальнай-реабилитационнай кииннэргэ олохтоммут.
Биирдиилээн сэрэтэр үлэ чэрчитинэн сокуоннай саастарын ситэ илик оҕолор дьыалаларыгар иниспиэктэрдэр сэрэтэр уорганнарын исписэлиистэрин кытта 54 төрөппүккэ юридическай көмөнү оҥорбуттар, 6 киһиэхэ үлэ буларга көмөлөспүттэр, 15 төрөппүт нарколог бырааска консультацияҕа ыытыллыбыт.
Ону таһынан, Дьокуускайга оскуола тэрилэ, формата суоҕунан сибээстээн саҥа үөрэх дьыла саҕаланыытыгар бэлэмэ суох үс сокуоннай саастарын ситэ илик оҕо көстүбүт. «Үөрэххэ барарга көмөлөс» диэн аһымал аахсыйа чэрчитинэн полиция үлэһиттэрэ бу дьиэ кэргэҥҥэ аадырыстаах көмөнү оҥорбуттар.
Полиция үлэһиттэрэ олох ыарахан балаһыанньатыгар түбэспит ыалларга социальнай уонна материальнай көмөнү оҥоруу наадатын туһунан компетентнай уорганнарга биллэрбиттэр.