Дьокуускайга полицейскайдар куорат биир баарыгар эр киһи сүтэрбит кумааһынньыгыттан харчыны уорбут киһини буллулар. Кумааһынньык иһигэр баан каартата уонна 10 000 солкуобай харчы баар эбит.
Уорбаланааччынан 40 саастаах эр киһи буолла. Полиция сабаҕалыырынан, кини кумааһынньыгы булан баран, ким да көрбөтүн итэҕэйэн, илдьэ барбыт. Бастаан баарга булуллубут каартанан төлөөбүт, онтон эрэстэрээҥҥэ стейк, буокка, морс уонна пиибэ сакаастаабыт – уонна кумааһынньыкка баар харчынан төлөөбүт. Онтон таксыы ыҥыран дьиэтигэр барбыт. Кэлин, уорбаланааччы этэринэн, кумааһынньыгы уонна каартаны бырахпыт.
РФ Холуобунай кодексатын 158 ыстатыйатын 2 чааһынан («Уоруу») холуобунай дьыала тэрилиннэ диэн Саха Өрөспүүбүлүкэтин ИДьМ пресс-сулууспата иһитиннэрэр.