Муус устар 1 күнүттэн алтынньы 31 күнүгэр диэри Дьокуускай куорат Халтурин уулуссатыгар, Строительнай уулуссатыттан Якутская уулуссаҕа диэри учаастакка хапытаалынай өрөмүөн ыытыллыаҕа.
Куорат уокуруктааҕы дьаһалтата өрөмүөн үлэтин ыытар кэмигэр тырааныспар сырыытын хааччахтыыр туһунан дьаһал таһаарда.
Ыйыллыбыт кэмҥэ бу учаастакка айан суолун сабыахтара. Онон Дьокуускай куорат дьаһалтатын суол инфраструктуратын уонна тырааныспарын департамена маршруттары былааннааһыҥҥа уларыйыылары учуоттуурга көрдөһөр.
Уулуссаны сабыы туһунан туһааннаах иһитиннэрии Дьокуускай куорат дьаһалтатын ханаалыгар тахсыаҕа.